დირექტორი

ლიკა ლობჟანიძე

როგორია „არტფარმას“ მუშაობის პრინციპი?

ვთვლი, რომ ჩვენ ვართ ინოვაციური კომპანია და ამის დასტურია – თანამედროვე ინოვაციური პროექტები ფარმაცევტულ სფეროში, ევროპული ბრენდები და  ჩვენი პროფესიონალების გუნდი. წლების მანძილზე „არტფარმა“ წარმოადგენს  ერთ-ერთ უძლიერეს საერთაშორისო ევროპულ  ფარმაცევტულ კომპანია „ვალმარკს“ და წარმატებით თანამშრომლობს საქართველოს წამყვან ექიმებთან და ქართულ სამედიცინო სფეროში მათი ჩართულობით ნერგავს თანამედროვე და უმაღლესი ხარისხის ევროპულ მედიკამენტებს. თითოეული ექიმის პრაქტიკული გამოცდილება და მხარდაჭერა მნიშვნელოვან როლს თამაშობს კომპანიის განვითარებაში.

როგორია „არტფარმას“ მთავარი ღირებულებები?

“არტფარმას” ერთ-ერთ მთავარ ღირებულებას  პროფესიონალი და განვითარებაზე ორიენტირებული თანამშრომლების გუნდი წარმოადგენს. მუდმივი გადამზადება, სხვადასხვა სამეცნიერო კონფერენციაში აქტიური ჩართულობა, მჭიდრო თანამშრომლობა და კონსულტაციები ადგილობრივ და საერთაშორისო წამყვან სპეციალისტებთან – ჩვენს გუნდს აცნობს სამედიცინო სფეროს თანამედროვე ტენდენციებს და ეხმარება ბაზარზე არსებული მოთხოვნილებების ზუსტ იდენტიფიცირებაში.

ჩვენ ერთიანი ძალებით ვემსახურებით ჯანმრთელობას და ჩვენი უპირველესი დანიშნულებაა, მომხმარებელს მივაწოდოთ ხარისხიანი და უსაფრთხო პრეპარატი.

მარკეტინგის მენეჯერი

ლელა სიხარულიძე

თქვენი საქმიანობა “არტფარმაში”
“არტფარმაში” ვმუშაობ 2014 წლიდან. ჩემი საქმიანობიდან გამომდინარე აუცილებელია მუდმივი პროფესიული განვითარება, რათა მივაღწიო დასახულ მიზანს. ყოველი ახალი ბრენდი ჰგავს ახალშობილს, რომელსაც დაბადებამდე უნდა მოვუმზადოთ შესაბამისი გარემო, ჩამოვაშოროთ ყველა ბარიერი და დაბრკოლება, იმისათვის რომ სწრაფად აიდგას ფეხი და გახდეს უპირობო ლიდერი ფარმაცევტულ ბაზარზე.

იყო მარკეტინგის მენეჯერი “არტფარმაში” ნიშნავს, რომ იყო ყველგან და ყოველთვის, მობილიზებული და ინფორმირებული, გქონდეს მუდმივი მზაობა.

“არტფარმაში” განხორციელებული საინტერესო პროექტები
“არტფარმაში” განხორციელებული ყველა პროექტი ჩემთვის ძალიან მნიშვნელოვანია. მეამაყება, რომ აქტიურად ვთანამშრომლობთ საქართველოში არსებულ სამედიცინო ასოციაციებთან და მათთან ერთად ვგეგმავთ და ვატარებთ უამრავ კონფერენციასა და კონგრესს. ვფიქრობ, არტფარმამ დაამსხვრია აქამდე არსებული ყველა სტერეოტიპი, შეხედულება იმაზე, რომ სამედიცინო კონფერენციას მხოლოდ სამეცნიერო დატვირთვა აქვს. ჩვენი ღონისძიებები განსხვავებული და საინტერესო ფორმატის არის. პროექტებიდან გამოვარჩევდი პირველ მასშტაბურ სიმპოზიუმს საქართველოში, რომელიც მიეძღვა ჯანმრთელობის დაცვის, დაავადებების პრევენციისა და მკურნალობის თანამედროვე მიდგომებს. “არტფარმა” მაღალი სოციალური პასუხისმგებლობის მქონე კომპანიაა, რასაც ადასტურებს შემდეგი აქტივობები: პედიატრთა აკადემიასთან ერთად ორგანიზებული საპრევენციო- სადიაგნოსტიკო კამპანია სკოლებში, ბავშვის სწორი ფიზიკური და გონებრივი განვითარების შემოწმების მიზნით; პროექტი “შეამოწმე ვენები” – უფასო კონსულტაციები წამყვანი კლინიკების ანგიოლოგებთან, ქრონიკული ვენური დაავადებების გამოვლენისა და პრევენციისთვის; კანისა და თმის დიაგნოსტიკის აქციები სააფთიაქო ქსელებში, ჯანმრთელობასა და სილამაზეზე ზრუნვის ხელშეწყობისთვის.

რატომ “არტფარმა”?
“არტფარმა” ჩემი ოჯახია, სახლი, სადაც მიხარია მისვლა. ადგილი, სადაც დრო შეუმჩნევლად გადის. „არტფარმა“ უმაღლეს სასწავლებელს ჰგავს. აქ არის იდეალური გარემო იმისთვის, რომ გაიზარდო პროფესიულად და ინტელექტუალურად. შეიძინო ახალი მეგობრები, დასახო მიზნები, რომლის მიღწევაშიც მთელი გუნდი დაგეხმარება! ეს არის კომპანია, რომელიც გაძლევს შანსს გახდე წარმატებული.

ოფის მენეჯერი

თამუნა ვარძელაშვილი

თქვენი საქმიანობა “არტფარმაში”
“არტფარმაში” 2015 წლიდან ვმუშაობ და ჩემი ძირითადი მოვალეობაა ოფისის შიდა საქმეებზე ზრუნვა, თითოეული თანამშრომლისთვის კომფორტული გარემოს შექმნა და მათი დახმარება.

“არტფარმაში” განხორციელებული საინტერესო პროექტები
ოფის მენეჯერის ფუნქციებიდან გამომდინარე, კომუნიკაბელურობა უმნიშვნელოვანესი ფაქტორია და ვფიქრობ, რომ ეს ჩემთვის დიდი გამოწვევაა, რომელსაც წარმატებით ვართმევ თავს.

რატომ “არტფარმა”?
ის ფაქტი, რომ გიხარია სამსახურში მოსვლა, სწორედ “არტფარმას” გუნდისა და პოზიტიური გარემოს დამსახურებაა. სწორედ ამიტომ ვცდილობ გავაკეთო ჩემი მაქსიმუმი, რადგან თითოეული ადამიანის სწორი, დროული და თავდაუზოგავი მუშაობა კომპანიის წინსვლისა და წარმატების წინაპირობაა.

რეგისტრაციის მენეჯერი

ივა ბარამიძე

თქვენი საქმიანობა “არტფარმაში”
“არტფარმაში” 2016 წლიდან ვმუშაობ. ჩემს მოვალეობაში შედის ახალი პროდუქტებისთვის სარეგისტრაციო დოკუმენტების შეგროვება და მათი საქართველოს კანონმდებლობის მიხედვით მომზადება, დალაგება და შემდგომ, “საქართველოს შრომის, ჯანმრთელობისა და სოციალური დაცვის სამინისტროში” ჩაბარება პირველადი რეგისტრაციისთვის.

“არტფარმაში” განხორციელებული საინტერესო პროექტები
ჩეთვის მნიშვნელოვან გამოწვევას წარმოადგენს და ასევე, საინტერესო პროცესია პირველადი რეგისტრაციების უზრუნველყოფა ესპანური, ბრაზილიური და არგენტინული მწარმოებლებისთვის.

რატომ “არტფარმა”?
“არტფარმა” ეს არის ადგილი, სადაც დღის უმეტეს ნაწილს ვატარებ, კომფორტული სამუშაო გარემო და სასიამოვნო ადამიანები – კომპანია, რომელიც მეამაყება.

ჯგუფის ხელმძღვანელი

ნინა ნაზლიდის

თქვენი საქმიანობა “არტფარმაში”
“არტფარმა”-ში 2016 წლიდან ვმუშაობ. ვხელმძღვანელობ ახლად შექმნილ ნევროლოგიურ ჯგუფს. ჩვენი ძირითადი მოვალეობაა ახალი მედიკამენტების წარდგენა სამედიცინო სფეროს წარმომადგენლებისთვის.

“არტფარმაში” განხორციელებული საინტერესო პროექტები
ბაზარზე არსებული მაღალი კონკურენციის პირობებში, მნიშვნელოვანია თუ როგორ გააცნობ შენს პროდუქტებს სამიზნე აუდიტორიას. ვფიქრობ, ძალიან ეფექტიანია ის პრეზენტაციები და კონფერენციები, რომლებსაც სამედიცინო წარმომადგენლებთან ერთად ვგეგმავთ და ვატარებთ.

რატომ “არტფარმა”?
“არტფარმა” ჩემთვის, პირველ რიგში, არის მეგობრული გარემო – კომპანია ორიენტირებული წინსვლასა და წარმატებაზე.

სამედიცინო წარმომადგენელი

რუსუდან გიუნაშვილი

თქვენი საქმიანობა “არტფარმაში”
“არტფარმაში” 2014 წლიდან ვმუშაობ. ჩემი ძირითადი საქმიანობა სამედიცინო სფეროს წარმომადგენლებთან კომუნიკაცია და პრეპარატების წარდგენაა, მათი უპირატესობებისა და ინოვაციურობის წარმოჩენა.

რატომ “არტფარმა”?
“არტფარმა” პროფესიონალთა გუნდით დაკომპლექტებული კომპანიაა. თითოეული თანამშრომელი იზიარებს საერთო ფასეულობებსა და ღირებულებებს, რაც გვაძლევს შესაძლებლობას ავუწყოთ ფეხი კომპანიის განვითარების ეტაპებს და ერთად მივაღწიოთ დასახულ მიზნებს.