ვირუპროტექტი

 ორალური სპრეი მწვავე რესპირატორული ვირუსული ინფექციების პროფილაქტიკისა და მკურნალობისთვის 

სამედიცინო მოწყობილობის გამოყენების ინსტრუქცია

• სამედიცინო მოწყობილობის დასახელება

“ვირუპროტექტი” – ორალური სპრეი მწვავე რესპირატორული ვირუსული ინფექციების პროფილაქტიკისა და მკურნალობისთვის 

 

შეფუთვა: “ვირუპროტექტი” ორალური სპრეი მწვავე რესპირატორული ვირუსული ინფექციების პროფილაქტიკისა და მკურნალობისთვის – 7 მლ ინდივიდუალურ შეფუთვაში (ფლაკონი), გამოყენების ინსტრუქცია – 1 ც, მუყაოს კოლოფი.

 

2. ძირითადი მახასიათებლები

 

პარამეტრის დასახელება	აღწერილობა
პროდუქტის მოწყობილობის აღწერა	“ვირუპროტექტი” (შემდგომში სამედიცინო მოწყობილობა) პერორალური სპრეი მწვავე რესპირატორული ვირუსული ინფექციების პროფილაქტიკისა და მკურნალობისთვის არის პროდუქტი, რომელიც შედგება შემდეგი კონსტრუქციული ელემენტებისაგან: ფლაკონი ხსნარით, ამომფრქვევი სისტემა ტუმბოს და გამფრქვევის სახით, დამცავი თავსახურით.
მოცულობა	7 მლ
პროდუქტის შემადგენლობის აღწერა	გამჭვირვალე უფერო სითხე
ფლაკონის შიგთავსის შემადგენლობა	ხსნარი შეიცავს გლიცერინს, ბუნებრივ ფერმენტს – ვირთევზას ტრიპსინს, გაწმენდილ წყალს, ეთანოლს (<1%), კალციუმის ქლორიდის დიჰიდრატს, ტრომეთამოლს და მენთოლს. ხსნარი არ შეიცავს შაქარს, კონსერვანტებს, გლუტენს და ლაქტოზას.
შეფუთვა	სამედიცინო მოწყობილობა ინდივიდუალურ შეფუთვაში (ფლაკონში) მოთავსებულია სამომხმარებლო შეფუთვაში (მუყაოს კოლოფში) გამოყენების ინსტრუქციასთან ერთად.

• დანიშნულება

 

„ვირუპროტექტის“ გამოყენება რეკომენდებულია 4 წლიდან ასაკის ბავშვებისა და უფროსებისთვის, მწვავე რესპირაციული ვირუსული ინფექციების პროფილაქტიკისთვის, მწვავე რესპირაციული ვირუსული ინფექციების მიმდინარეობის შემსუბუქებისა და სიმტომების კუპირებისთვის, ვირუსით ინფიცირებულ პირებთან კონტაქტისას დაინფიცირების თავიდან არიდების მიზნით და/ან ვირუსით ინფიცირებისას სიმპტომების გამოვლენის ადრეულ ეტაპებზე, ინფექციის გართულებების პრევენციისთვის. „ვირუპროტექტი“ პირის ღრუს ლორწოვანი გარსის დაფარვით, ქმნის დამცავ ბარიერს მწვავე რესპირაციული ინფექციების გამომწვევი ვირუსების წინააღმდეგ. ბარიერი ბლოკავს ვირუსებს, ახდენს მათ დეაქტივაციას და აფერხებს ორგანიზმში მათ გავრცელებასა და გამრავლებას. 

ზედა სასუნთქი გზების მწვავე ვირუსული ინფექციები, არის ყველაზე გავრცელებული ინფექციური დაავადებები ადამიანებში. მწვავე რესპირაციული ვირუსული ინფექციების გამომწვევი მრავალი ვირუსია, თუმცა ყველაზე გახშირებულ მიზეზს წარმოადგენს რინოვირუსი [1].

ინფექციური დაავადების ინკუბაციური პერიოდი არის დრო დაინფიცირებასა და სიმპტომების გამოვლინებას შორის.  ვირუსის ტიპის მიხედვით, ინკუბაციური პერიოდის ხანგრძლივობა მერყეობს 12 საათიდან 1 კვირამდე ან მეტი (ზოგიერთი ვირუსისთვის) [2].

იმუნური სისტემა რეაგირებს რესპირაციული მწვავე ვირუსული ინფექციის გამომწვევ  ვირუსზე ანთებითი რეაქციის განვითარებით, რომელსაც თან ახლავს შემდეგი სიმპტომები: ყელის ტკივილი, ხველა, სურდო, ზოგჯერ ცხელება და ცემინება. ინფექცია ჩვეულებრივ გრძელდება 7-დან 10 დღემდე [1]. ზედა სასუნთქი გზების მწვავე ვირუსული ინფექციებით ზრდასრული ჩვეულებრივ ავადდება 2-დან 5-ჯერ წელიწადში [3].

„ვირუპროტექტი“ შედგება ორი ძირითადი კომპონენტისგან, გლიცერინისაგან და ბუნებრივი ვირთევზას ტრიფსინისგან, რომელთა კომბინირებული გამოყენება უზრუნველყოფს რესპირაციული მწვავე ვირუსული ინფექციების გამომწვევი ვირუსების წინააღმდეგ ეფექტური ბარიერის შექმნას. ბარიერის მოქმედება განპირობებულია მასში შემავალი კომპონენტების თვისებებით და გამოიხატება სამი გზით (ნახ: 1):

• ბლოკირება – გლიცერინი წარმოქმნის დროიებით ოსმოსურ, აქტიურ ბარიერს, რომელიც აკავებს და ბლოკავს ვირუსებს 
• დეაქტივაცია – ტრიპსინი თრგუნავს ვირუსის ლორწოვანზე მიმაგრების უნარს, რითიც აფერხებს ვირუსის მიერ ჯანსაღი უჯრედების ინფიცირებას. 
• პროტექცია – დამცავი ბარიერი, რომელსაც წარმოქნის „ვირუპროტექტი“, იცავს რესპირატორულ ტრაქტს ინფექციებისაგან. 

 

ბლოკირება	დეაქტივაცია	პროტექცია
ნახატი 1

 

„ვირუპროტექტი“ გამოირჩევა მოხმარების მარტივი წესითა და სწრაფი მოქმედებით.

დამცავი ბარიერის შექმნა საშუალებას იძლევა:

• მოხდეს დაცვა რესპირაციული მწვავე ვირუსული ინფექციების გამომწვევი ვირუსებისაგან;
• ადრეულ ეტაპზე გამოყენებით შემცირდეს რესპირაციული მწვავე ვირუსული ინფექციების მიმდინარეობა და დაჩქარდეს გამოჯანმრთელების პროცესი
• მოხდეს რესპირაციული მწვავე ვირუსული ინფექციებით გამოწვეული სიმპტომების, მათ შორის ყელის ტკივილის შემსუბუქება / კუპირება

• გამოყენების ჩვენებები

• • რესპირატორული ვირუსული ინფექციების (5 ძირითადი, მათ შორის Sars-Cov-2-ის) პრევენცია და კომპლექსური თერაპია, მათ შორის ანტიბიოტიკოთერაპიისას. 
  • პირის ღრუს, ყელის ლორწოვანი გარსისა და  ზედა სასუნთქი გზების ინფექციების (ტონზილიტი, ფარინგიტი, ლარინგიტი, ტრაქეიტი) პრევენცია და კომპლექსური თერაპია, მათ შორის ანტიბიოტიკოთერაპიისას. 
  • რეკომენდებულია რესპირატორული ვირუსული ინფექციის მქონე პირთან კონტაქტისას, ინფიცირების რისკის შესამცირებლად.
  • რეკომენდებულია ანტიმიკრობულ, ანტიმიკოზურ და ანტივირუსულ საშუალებებთან კომპლექსურ თერაპიაში, თერაპიული ეფექტურობის გაზრდისა და კომორბიდული ვირუსული ინფექციების პრევენციის მიზნით, მწვავე ფაზის შემსუბუქებისა და ხანგრძლივობის შემცირების მიზნით. 

• პრეეპიდემიურ და ეპიდემიურ პერიოდებში, დახურულ სივრცეებში ვირუსული ინფექციების გავრცელების პრევენცია.

5. უკუჩვენებები:

არა აქვს.

6. გვერდითი მოვლენები

არ არის გამოვლენილი.

არასასურველი რეაქციების გამოვლენის შემთხვევაში აცნობეთ ექიმს.

 

7. სიფრთხილის ზომები

• არ გამოიყენოთ სამედიცინო მოწყობილობა მისი კომპონენტების მიმართ ინდივიდუალური აუტანლობის შემთხვევაში.
• არ გამოიყენოთ სამედიცინო მოწყობილობა ორსულობის დროს ან ძუძუთი კვების დროს, კლინიკური მონაცემების ნაკლებობის გამო.
• არ გამოიყენოთ სამედიცინო მოწყობილობა პირის ღრუს და/ან ყელის ოპერაციის შემდეგ ჭრილობის შეხორცებამდე ექიმთან კონსულტაციის გარეშე.
• არ შეისუნთქოთ გაფრქვევისას, რადგან ამან შეიძლება გამოიწვიოს სასუნთქი გზების გაღიზიანება 
• შეინახეთ ბავშვებისთვის მიუწვდომელ ადგილას.
• მიმართეთ ექიმს, თუ გაქვთ მაღალი სიცხე ან სიმპტომები, რომლებიც უფრო მძიმეა, ვიდრე ჩვეულებრივი გაციება, რადგან ეს სიმპტომები შეიძლება დაკავშირებული იყოს სხვა დაავადებასთან.
• მოწყობილობა განკუთვნილია ინდივიდუალური გამოყენებისთვის ინფექციური კონტამინაციის თავიდან აცილების მიზნით.
• რესპირაციული მწვავე ვირუსული ინფექციების გამომწვევი ვირუსების წინააღმდეგ ეფექტური ბარიერის შესაქმნელად, „ვირუპროტექტის“ გამოყენებიდან 20 წუთის განმავლობაში მოერიდეთ საკვებისა და სითხის მიღებას 
• არ გამოიყენოთ სამედიცინო მოწყობილობა, თუ შეფუთვა და/ან თავად მოწყობილობა დაზიანებულია ან ღიაა.

 

8. გამოყენების წესი

Მნიშვნელოვანია! დაიწყეთ „ვირუპროტექტის“ გამოყენება რესპირაციული მწვავე ვირუსული ინფექციებით დაავადებულებთან შესაძლო კონტაქტის შემთხვევაში ან რაც შეიძლება მალე ვირუსული ინფექციის სიმპტომების გამოვლენის შემდეგ. გააგრძელეთ „ვირუპროტექტის“ გამოყენება სიმპტომების აღმოფხვრამდე და ვირუსით დაავადებულ პირებთან კონტაქტის დასრულებამდე.

 

1. გახსენით პირი და დაუმიზნეთ გამფრქვევი ყელს (იხ.სურათი 2)
2. გამფრქვევზე დაჭერისას გააკეთეთ 2 შესხურება (1 დოზა) ყოველ 2 საათში 6-ჯერ დღეში ვირუსით დაავადებულ პაციენტებთან კონტაქტის დროს ან ვირუსული ინფექციის სიმპტომების გაქრობამდე.

9. გამოყენების, შენახვისა და ტრანსპორტირების პირობები

 

შენახვის პირობების დაცვის შემთხვევაში სამედიცინო მოწყობილობის ვარგისიანობის ვადა 3 წელია.

არ გამოიყენოთ შეფუთვაზე მითითებული ვარგისიანობის ვადის გასვლის შემდეგ.

შეინახეთ და  გამოიყენეთ არაუმეტეს 25 0C ტემპერატურაზე. შეინახეთ ვაბშვებისათვის მიუწვდომელ ადგილას.

 

10. მწარმოებელი

 

Enzymatica AB, შვედეთი

Ideon Science Park, SE-223 70 Lund, შვედეთი

www. enzymatica.com

 

ორგანიზაცია, რომელიც იღებს პრეტენზიებს: 

სს „ნიჟფარმი“, რუსეთი

603105, ნიჟნი ნოვგოროდის რეგიონი, ნიჟნი ნოვგოროდი, ქ. საგლანსკაია, 7.

ტელ:+7(831)278-80-88, ფაქსი:+7(831)430-72-28

ელ.ფოსტა: med@stada.ru, ვებგვერდი: www.viruprotect.stada

 

11. შეფუთვაზე არსებული სიმბოლოების გაშიფვრა

	მწარმოებელი		მწარმოებელი
	სერიის კოდი		კატალოგის ნომერი
	ტემპერატურის დიაპაზონის ზედა ზღვარი		იხილეთ გამოყენების ინსტრუქცია
	ფრთხილად! იხილეთ გამოყენების ინსტრუქცია		ევროპული სტანდარტების შესაბამისობის ნიშანი
	არ გამოიყენოთ, თუ შეფუთვა დაზიანებულია

1. Wat, “The common cold: a review of the literature. “European Journal of Internal Medicine, 15 (2004) 79-88.
2. Lessler, Justin et al. Incubation periods of acute respiratory viral infections: a systematic review, The Lancet Infectious Diseases, Volume 9, Issue 5, 291-300.
3. Hull D, et al. Effects of creating a non-specific, virus-hostile environment in the nasopharynx on symptoms and duration of common cold. Acta Otorhinolaringol Ital. 2007 Apr; 27(2): 73-7.