გულისრევა და ღებინება ორსულობის დროს აღენიშნება ქალების 50-80%-ს. ფეხმძიმე ქალებს უფრო ხშირად აქვთ მსუბუქი გულისრევის შეგრძნება დილაობით, რასაც „დილის სისუსტესაც“ უწოდებენ. ეს არის ორსულისათვის ჩვეული ფიზიოლოგიური მდგომარეობა, რაც სასიცოცხლო ფუნქციებზე გავლენას არ ახდენს. საშუალოდ და მძიმედ გამოხატული გულისრევა და ღებინება კი უარყოფითად მოქმედებს ჯანმრთელობაზე, ფიზიკურ და ემოციურ მდგომარეობაზე, რთულდება ოჯახური ურთიერთობები, მნიშვნელოვნად ქვეითდება შრომის უნარი, ცხოვრების ხარისხი.
აღნიშნულ საკითხზე გვესაუბრა მედიცინის აკადემიური დოქტორი, ექიმი-რეპროდუქტოლოგი, გინეკოლოგი, არჩილ ხომასურიძის რეპროდუქტოლოგიის ინსტიტუტის კლინიკური დირექტორი, ლალი ფხალაძე.
შეუჩერებელი გულისრევა, რაც ორსულის გულისრევის და ღებინების სპექტრის უკიდურესი გამოვლინებაა, იწვევს მძიმე ავადობას. იმის გამო, რომ ქალი საკვებს და სითხეს ვერ იღებს, ირღვევა სისხლში ელექტროლიტების შემცველობა, ღვიძლის, თირკმლის, ფარისებური ჯირკვლის ფუნქცია, ხდება წონაში კლება. მაღალია ნაყოფის ზრდის შეფერხების, ნაადრევი მშობიარობის და სხვა გართულებების განვითარების ალბთობა.
გულისრევა და ღებინება ორსულობის დროს ძირითადად ჩნდება 5-6 კვირის ვადაზე, პიკს აღწევს 9 კვირაზე და ხშირად 12-16 კვირაზე ქრება. უფრო ხშირია მრავალნაყოფიანი ორსულობის, ბუშტნამქერის დროს, შაკიკის მქონე ქალებში, როდესაც ნაყოფი მდედრობითი სქესისაა.
ორსულთა გულისრევის და ღებინების დროული გამოვლენა და სწორი მართვა მნიშვნელოვანია ორსულობის ნორმალური მიმდინარეობის, სხვადასხვა გართულებების თავიდან აცილების, ქალის ჯანმრთელობის შენარჩუნებისა და ცხოვრების ხარისხის გაუმჯობესების თვალსაზრისით.
მკურნალობის ტაქტიკა დამოკიდებულია სიმპტომების სიმძიმეზე და პირველ რიგში მოიცავს ცხოვრების, ძილის და კვების რეჟიმის მოწესრიგებას. მნიშვნელოვანია, რომ ორსული მოერიდოს გამაღიზიანებლ ფაქტორებს (სხვადასხვა სურნელი, გარემო, მენთოლიანი კბილის პასტა). რეკომენდებულია მცირე ულუფებით კვება 1,5- 2 საათიანი ინტერვალებით და სასურველი საკვების მიღება. უპირატესობა აქვს გრილ, მშრალ, მყარ საკვებს. ჭამის შემდეგ წყლის გამოვლებამ შესაძლებელია შეამსუბუქოს სიმპტომები. წყლის მიღება უნდა მოხდეს ყლუპებად კვებათაშორის.
ძალზე მნიშვნელოვანია, რომ ორსულობის დროს გამოყენებული იქნეს ის მედიკამენტები, რომლებთაც არ აქვთ ტერატოგენული ეფექტი – არ იწვევენ ნაყოფის სიმახინჯეს.
ორსულთა გულისრევის და ღებინების დროს, პირველ რიგში, ინიშნება პირიდოქსინი – ვიტამინი B 6, დამოუკიდებლად ან სხვა პრეპარატებთან კომბინაციაში. ეს არის წყალში ხსნადი ვიტამინი, გამოიყენება 1942 წლიდან, მისი უსაფრთხოება და ეფექტურობა მრავალრიცხოვანი კვლევებითაა დადასტურებული.
B ჯგუფის ვიტამინებისა და მაგნიუმის კომბინაცია საუკეთესო არჩევანია ორსულობის დროს სხვადასხვა გართულებისას პრევენციის მიზნითა და კომპლექსური თერაპიის თვალსაზრისით. „ბევიტუმი მაგნიუმით“, B ჯგუფის ვიტამინებისა და მაგნიუმის ბალანსირებული კომპლექსია, რომელიც ევროპული ხარისხის საკვები დანამატია, მისი ოპტიმალური შემადგენლობა ხელს უწყობს ორსულობის ნორმალურ ფიზიოლოგიურ მიმდინარეობას და ეფექტურად მოქმედებს გულისრევა-ღებინების მსუბუქ ან საშუალო ფორმაზე. ძალიან მნიშვნელოვანია, რომ „ბევიტუმში“ შემავალი კომპონენტები და მათი დოზები სრულად შეესაბამება ევროპის კვების უსაფრთხოების სააგენტოს (EFSA) მოთხოვნებს და ამავე დროს გამოირჩევა ეფექტურობის მაღალი პროფილით.